Lu sugnu 'a Sicilia to' matri e to' nutrici
01. Nun avrai autri ricchizzi fora da me terra, 'u me' suli, 'u me' mari.
02. Nun numinari 'u me' nomu invanu. Illustralu ca to' 'ntilligenza e i to' fatichi
e fallu pronunziari giustu a l'autri genti, cu ammirazioni e rispettu.
03. Ricordati di cilibrari i nomi di li to' granni paisani e segui li so' esmpi.
04. Onora l'amici vicini e luntani. L'isola havi a essiri sempri ospitali pi iddi.
Guardati pero' di falsi amici e ditesta i nimici.
05. Nun ammazzari, pi 'nvidia o pi spiritu partigianu, i boni iniziativi di li
to' frati; anzi circunnali di simpatia, firvuri e d'u to' aiutu. 'U beni di
ognunu e` 'u beni di tutti: e`a furtuna d'a Patria.
06. Nun fari cosi offensivi p'u to' onuri e dignita` di Sicilianu: ha' essiri
fieru, ma no superbu; sucievuli ma no sirvili.
07. Nun arrubari! L'onesta` e` la to' tradizioni, e` signu di nubilta` antica,
e cirtizza di lu to' dumani.
08. Nun diri 'u falsu. 'U cultu d'a Virita` e d'a Giustizia havi a essiri l'espressioni
di la to' civilta`.
09. Nun disidirari la terra d'autri, ma valurizza cchiu` assai chi poi, cu capitali,
'ntellettu e travagghiu, ogni ovvia e ammucciata risorsa d'a to' terra, si nun voi chi,
comu 'n passatu, autri furasteri vinissiru a sfruttalla iddi e fariti servu.
10. Nun disidirari ne` 'nvidiari i ricchizzi e a prosperita` d'autri terri vicini o luntani. 'A
Sicilia e` ricca di beni naturali chi, si scanciati cu chiddi di autri populi, ponnu
suddisfari li to' bisogni e ti rindirannu 'ndipindenti, agiatu e filici. Mmiatu a tia, o
Sicilianu, si segui 'sti pricetti. Sulu tannu tu poi gudiri 'i gioi d'un paradisu tirrestri
'nta la to' isula finalmenti libira e biniditta di Diu.
Pigghiata nni Arba Sicula cu lu gintili pirmissu d'u Pruf. G. Cipolla.
I deci Cumannamenti d'u Sicilianu
Homepage