U Casteddu di Carini

Song: Sciccareddu du me cori (The donkey of my heart) 

Homepage


Mura iavuti, turri tanti,
su' la petra posi l'anti.
Eni storicu stu Casteddu
misu n cima pi cappeddu.

Forti, granni, vicchiareddu,
prestu avrai lu vistiteddu.
Tra la zara d'i limuna,
si la casa d'i Baruna.

Suli e ciuri nto jiardinu,
e' cuntentu u Signurinu.
Canta e sona u minnulinu
ca lu cori l'avi chinu.

La Signura e' assai stimata,
Catarina e' tantu amata,
affacciata a lu barcuni
di lu jiavutu bastiuni.

Comu a rinina fistusa,
Catarina e' primurusa,
avi sempri lu pinseri
a lu beddu cavaleri.

Cu nu bottu assai forti
fici subitu du' morti.
A Signura e o cavaleri
cci spararu di darreri.

L'ariu e' nfuscu, dispiratu,
chinu i chiantu e' lu criatu;
cchiu' nun parra cu l'amici,
sunnu tutti a la Matrici.

Nta la chiazza, nta lu chianu
chianci 'u preti e lu scrivanu.
Pi li lacrimi sunnu ammoddu
lu mircanti e u porta 'ncoddu.

A lu cunventu d'a Batia,
puru a monaca picchiulia.
Chianci puru la Batissa
c'ammazzaru a Barunissa.

Chi fu tintu stu patrazzu,
ora chiancci, ora e' pazzu.
Lu Casteddu ora e' chiusu,
nun nni fannu mancu usu.