...E Nasciu a Sicilia
Homepage

Mentri criava lu munnu, era stancu lu Signuri,
e lu suduri
supra la so' frunti comu perli ci scinnia.
Comu fu, comu jiu....
'na goccia di ddu divinu suduri,
dintra lu nostru mari cariu.
Tra l'acqui azzurri subitu un'isula,
bedda, senza pari, accumpariu.
Di figghi boni e travagghiatura,
prestu, prestu si pupulau,
e jiardinu 'ncantatu addivintau.
Maturaru li spichi, la racina, li ficu,
l'aranci, li puma, li ficurinnia,
li lumiuna e li muluna.
Diu talio' la Sicilia cu stupuri
e tuttu priatu dissi a lu suli:
Vasala, accarizzala,
tenila in granni onuri,
chidda e' 'na goccia di lu me' suduri.