La Sicilia nta la mappa
Expand Window  |   Homepage

   La Sicilia è l'isula cchiù granni di lu mari Mediterraneu, ed è puru la riggioni Italiana cchiù granni. La Sicilia è un dodicesimu di lu tirritoriu Italianu. La Sicilia pigghiò lu nomu di li Siculi, un populu ca accumincia la sò storia nta tempi luntani. Pi la sò furma triangulari, la Sicilia, prima di essiri chiamata accussì fu chiamata di li Greci, Trinacria, chi veni a diri Terra a tri Punti, picchi la Sicilia effettivamentri è la terra di li tri promontori: Capu Faru,o Peloru, a Est, pressu Messina; Capu Boeo, o Lilibeu, a Ovest, pressu Marsala; e Capu Di l'Isula di li Currenti, a Sud, pressu Capu Passaru. La Sicilia è bagnata di l'acqui tebbiti di tri mari: Mari Ioniu, a Nord, Mari di Sicilia, a Sud, e mari Egeu, a Est. Tutti tri sti mari, ni la giografia mundiali, hannu un nomu sulu: Mari Miditerraniu, chi significa "mari mmenzu li terri".

 

Interactive map of Sicilia. Click to view.

 

   La Sicilia avi, nta lu Miditerraneu, na bonissima pusizioni stratigica, cu lu Strittu di Gibilterra a Ovest, lu canali di Suez a Sud e lu strittu di Messina a Est. Lu puntu cchiù vicinu a l'Italia, nni lu strittu di Missina, è di tri chilometri e mezzu. Lu puntu cchiù vicinu a lu Cuntinenti Africanu, nto Canali di Sicilia è di centucinquanta chilometri. È nta la Sicilia chi avemu lu vulcanu cchiù granni d'Europa, cu n'artizza di 3263 metri, o quasi dudici mila pedi. La basi di lu vulcanu è di 200 chilometri. A stu vulcanu, duranti la dominazioni araba, ci fu datu, di l'Arabi, lu nomu di "mungibeddu", chi, comu viditi, sta parola, avi la radici latina Mons(munti), e chidda araba Gebel chi n arabu voli diri puru munti. Ora, nun sacciu pirchì l'Arabi vosiru chiamari lu Munti Etna: "Munti-Munti", ammenocchè nun lu ficiru pi maggiuri rispettu, comu diri ca lu Munti Etna è lu patri di tutti li munti.